أبد ما جيت أبــــارك لك ولكن جيت بوصيك
على الله نأوي(ن) تدخــل بها ألليله ... معذبتي
ترى لولا الظروف اللي عطّـتك وحــدّت محاكيك
قسـم بالله مــا تدخل عليــــها لو على رقبتي
ولكن النصـيب أقوى ولاادري ويــش اسوي فيك
نعــم...صـارت معزيتك ,, ولا صــارت معزيتي
كذا شائن بنا الأقـــــدار تحرمني لجل تعطيك
كذا لازم عشـــان تفوز أنت ,, أنا اخـسر بتجربتي
تراها غاليــة جدا..وتكفى.. والله يخلــيــــك
تدللـــــها..تدلعــــها..تنسّــيها مصاحبتي
أنا من كثر مااغليـــها أحــس أني بديت أغلـيك
ولاتسـأل بأيـة حـق والا وش مناســــــبتي
لأنك لو بتسألـني بتسمـع شي مـــــا يرضيك
لذا يا خــــــوي لا تسأل ولا تسمـع لأجوبتي
أبيك تحطها في داخل عـيــــونك وبين ايـديـك
وهي دلوعة إعتـــــــادت على كثرة مداعبتي
فداعبـها شوي شــــوي حـتى تشـتهي طاريك
وشاغبها إلـــــيـن تقول: بـطّــل من مشاغبتي
واذا هي مالها خلقـــــك,,ولا تضحك ولا تسليك
تحمّلـها وإسألـها : ياعمـــــري ليـــه عصّبـتي
وبالك أسمع انــــك يوم تضربهــا وهي تشكيك
ما يحتــاج أوري لــــك بفن الضـــرب موهبتي (( غمز له ))
صحيح انك بتملكـــها ومعك العقــد بالتمليـــك
وانا عــــارف حدود الله ومن حــقـــك معاقبتي
ولكن قل لها : المجـــنون وصّـــاني وهو يعـــنيك
يقــــول انه بينـتظـرك لوشـيّـب وشـيّــبتي
وانا مجنونها اللي مـا نســاهــــــا وانت مايمديك
تغــطي ذكريــــاتي.. في هواهــــا و ربع تجربتي
أحس اني تماديــت بكلامي,, والغضب حـــاديــك
ولو انك في مــكانــي ما تفكر في محــــــاسبتي
كفـــاك اني تركت الليــــله أشغالي عشان أجيك
دخلت القاعــــــة برجــلي ولا أدري ويش عاقبتي
وانا ما حيت أخــــرّب عرسك الليله ولا أذّيـــك
أنا جيتك عشــان أخاطـبك واسمـــع مخـــاطبتي
توصّــــى .. وانتبه.. واحـــرص عليها والله يهنيك
ترى كل الكلام اللي طلع من ضيقي وكبـــتـــي "
الإثنين أكتوبر 10, 2011 9:32 am من طرف ام احمد
