تصيح تقول ياحرمه , تحسب أنك تعايرني !!
شنبكـ اللي تفاخربه.. ترى اللي جابته حرمه
تصدق كذبتك دايم .. مبادئ حيل تقهرني
نقص عقلك مع دينك .. ترى مليت هالكلمة
ياجاهل فتح عيونك .. ياويلك لو تصاغرني
غضب ,, تهديد ,, وإستلمه .. وسمه الي تبي سمه
أنا مليت من ظلمك يا آدم وش تصورني !!
إذا إني ناقصه بعينك .. وداعي منتهي الحكمة
تراني ساكته بكيفي .. نصيحه لا تفجرني
غضب شيطان ما ميز .. مابين خال وعمه
عيوبي طيبتي وقلبي .. حنان وشوق يجبرني
على عكسك تجي قاسي وكلن راضي بسلمه
حسافه وقتي الفايت .. تذكر يوم تسهرني
على قولة أنا عاشق وحبك صابني سهمه
تذكر يوم لي تركض .. تقول يازين أمرني
على سنة رسول الله اشيل الحمل وأزمه
فرحت وقلت هذا اللي ابي في ظله يسترني
إذا ضاقت بي الدنيا .. مسح دمعاتي بكلمة
أبي انسى به الدنيا وأبي بالحب يشعرني
وأبي يكون لي فرحه إذا زاد الزمن همه
لكن للأسف غلطه وهم كذاب ساورني
جزاتي والثمن عمري ..وقتلت ياخافقي حلمه
الإثنين أكتوبر 10, 2011 9:32 am من طرف ام احمد
