أضحك واقول إن المخاليـق يبكـون
وابكي واقول الكـون كلـه سعـاده
..........................
متناقض(ن)ماأبغى المخاليق يـدرون
حتى الدهر يانـاس طـوّل عنـاده
.........................
أضحك إذا قالوا المخاليـق بتهـون
واكتم علـى ونـات قلبـي زيـاده
............................
ياكيف أبضحك يابشـر وشلـون ؟
دام الفرح عبد(ن) والأحزان سـاده
.........................
ياكيف أبضحك يابشـر وشلـون ؟
دام الحـزن كنّه وسـام وقــلاده
...........................
ياكيف أبضحك يابشـر وشلـون ؟
دام الحزن شخص(ن) وصدري بلاده
........................
ياكيف أبضحك يابشـر وشلـون ؟
دام الحزن بـارود كابـس زنـاده
.......................
ياكيف أبضحك يابشـر وشلـون ؟
دام الحزن صار في دنيتـي عـاده
.........................
منكم من اللي يسعده قلـب مطعـون
ومنكم من اللي ينجرح لـي فـؤاده
...............................