كتبت الشـعـر مـو لجلـك ولكـن فـاض بـي بركان
وامــا انت فلا تـسـوى قصيده فـي نــظــر عـيـنـي
حلفت لي تصوننــي إذا صـار الزمــــــن خــــــوان
وأول مــــــا عثـر حظـــــي علـى دربـــــك خذلتنـي
كسر رمح الزمـــــن صدري وجيتك اشتكي حيـران
نزعت الرمـــــح من صدري وفي ظهري طعنتنـي
خســــــــاااره كيـف حبيـتك؟؟! نعـم والله ندمـــان
غـــبــــــيه أدري نعـم ادري مـا دام انـك سكنتنـي
سنـــــــه مـن عمـــــــري وانـا فـي لعبتـك غرقـان
أشيل الـــشــوك من دربك وجرحـي كـان يدمينـي
وكنت أبكي إذا تبكي وأكـون لبسمتـك فرحـــــــان
وكنت اقرب من رموشك لعينـك يــــــــوم تبغانـي
عرفتك للآسف صحـــــــراء وحولتـك إلـى بستـان
وشلتني غصن أخضـــــر وفي صخـــرك زرعتنـــي
حفرتك داخلي وظني تصون لعشرتـــــــي أزمـان
وكنت أحفر قبر موتيــــــــ علـى ساحـل شرايينـي
على كف الشقا نامت جروحي والألـم سهـــــران
يحطمني .. يبعثرني .. وفي صحـراك يرمينـــــــــي
ولكن عــــزتـــــي تفـرض أكـون بدنيتـي سلطـــان
وإذا ظنك أجي أركع لرجلــك... مـا عرفتنـــــــــي
انا ما عادتي اشحذ من أمثالك رضــــــا وإحسـان
امـــــــــوت بـــعــــزتـي ارحـم ولا ذِلــَك يغطيـنـي
وما دام الوفــــــــــا عنـدك يـدور لـه علـى عنـوان
بدور لي على قلـب يصـــــــــــون الحـب وسنينـي
ولو قلبـي رجـع حَبـك بولـــــع فيـه بالنيـــــــــران
وبكســـــرهـا أنـا رجلـي إذا صوبــــــــك توديـنـي
ولو دار الزمــــــن ضدك وجيتـ منــي تطلبـ الغفـران
وجبت الشمــــــــس فـي كفـك لعندي..مـا بتلقانـي
تقول الناس في وصفك:جميله مثل عـود البــــان
وإنك أجمل وأحلى بشـــــر مخلـوق مـن طينـي
وإنكَ غاليـــــ وأثمـن مـن الياقـوت والمرجـان
تقوم أكوان مـن أجلـك وتقعـد لـكَ بلادينـــــــــي
حــــــسافه غرهم شكلك ويـا مـا تخـدع الألــــوان
عموماً .. بقت كلمة أخيرة لك على قلبي واسمعني
إذا كنت بنظر غيري مـــــلاك على هيئـة إنسـان
قسم بالله ما تسوى شعـــــــره مـن رمـش عينـي