لا تزعلي مني ترى خاطري ضيق
تواتر الاحـداث سبـب مصيبـه
يوم اتفكر فـي طريقـي بتدقيـق
خـلا حياتـي كلبوهـا صعيـبـه
جاني خبر مابين كذبـاً وتصديـق
وقع الخبر ضيق فجوجـاً رحيبـه
اروح ادور وابحث العلم تحقيـق
لو كان علم الزيـن كـلاً دريبـه
لكن انا عايش مـع الحلـم مافيـق
ولا ودي اصحى من حلوماً رطيبه
ارقا على رجم الهوى فوق واويق
واقول يمكن سـال باقـي شعيبـه
ارقا مع حلمي اليا قمـة اطويـق
والعلم ينـزل بـي لقاعـة قليبـه
مرات اقول العلـم كلـه توافيـق
ومرات دمعي من عيوني سكيبـه
الهم طوقني على الزيـن تطويـق
والشوق في قلبـي تزايـد لهيبـه
وبرقت فالدنيا والاحـوال تبريـق
واقـول يادنيـا المعانـاة خيـبـه
العن الدنيـا مـع البعـد تفريـق
لنه سبب كـل الجـروح العطيبـه
لي حاجةً بالغرب واروح تشريـق
ما عاد اجمـع منشغـل بالحبيبـه
مجنونك الهائم بـدرب العشاشيـق
في سالفة عشقـه غدالـه ذهيبـه
راحت خذت معها جميع المعاليـق
جاني خبر بالليل صارت خطيبـه
علماً لفا للقلب مثـل الصواعيـق
عجزت اصدق كل علمـاً حكيبـه
ما اطيق انا نفسي وللصبر ما اطيق
لـو الفتـى ماياخـذ الا نصيبـه
اعشق انا صادق ولا فيـه تلفيـق
( لا فيه لا شكه ولا فيـه ريبـه)
اعشق انا بنت الرجـال المطاليـق
بنت الشرف والعز والطيب هيبـه
يفداك ياخلـى رخومـاً مطافيـق
اهل النمايـم والحكـي والمغيبـه
يالله يامرسـي جبـالاً شواهـيـق
انك توفق مـن عشقتـه غصيبـه
الإثنين أكتوبر 10, 2011 9:32 am من طرف ام احمد
